WASIIRKA WASAARADDA CAAFIMAADKA IYO DARYEELKA BULSHADA GALMUDUG AYAA MAANTA KA QEYB GALAY KULAN SOO DHAWAYN AH OO AY U SAMEEYEEN SHAQAALAHA WASAARADDA CAAFIMAADKA

Kulanka waxaa goob joog ka ahaa Wasiiru Dowlaha Wasaaradda Caafimaadka Daahir Fiidow, Agaasimaha Guud ee Wasaaradda Dr Abdiweli ,Agaasime waaxeedyada Iyo dhamaan shaqaalaha Wasaaradda Caafimaadka Iyo daryeelka Bulshadda.

Agaasimaha Guud ee Wasaaradda Caafimaadka Galmudug Dr Abdiwali Maxamed Axmed ayaa faahfaahin kooban ka siiyey wasiirka howlaha guud ee Wasaaradda iyo adeegyada ay bulshada u heyso asagoo sidookalena la wadaagay xogaha quseeya dhamaan xarumaha caafimaadka Galmudug.

Wasiir Dowlaha Wasaaradda Caafimaadka Mudane Dahir Farah Fiidow ayaa dhamaan shaqaalaha Wasaaradda kula dardaarmay inay ay shaqadooda sii laba jibaaraan sidookalena ay wasiirka si hufan ula shaqeyan.

Wasiirka ayaa shaqaalaha ka dhagaystay warbixino kala duwan oo ku saabsan horumarinta iyo adeegyadda ay Bulshada u hayso Wasaaradu.

Ugu dambayn Dr Yasin Abdi Jama Wasiirka Caafimaadka iyo daryeelka Bulshadda ayaa u mahadceliyay shaqaalaha Wasaaradda adeegayadda kala duwan ee ay bulshadda Galmudug u hayaan ayna lagama maarmaan tahay in ay sii labo jibaaraan.